सांगोला नगरपरिषदेची धडक कारवाई; थकबाकीदारांचे गाळे व मालमत्ता केले सिल

सांगोला नगरपरिषदेमार्फत मागील दोन महिन्यांपासून कर वसुलीसाठी विशेष वसुली मोहीम हाती घेण्यात आली आहे. या विशेष वसुली मोहिमेअंतर्गत थकबाकीदारांना भाडे व कराच्या रक्कमा भरणेबाबत नियुक्त अधिकारी व कर्मचारी यांचेमार्फत वारंवार सूचना देण्यात येत आहेत. परंतु तरीदेखील थकीत भाडे व कराच्या रक्कमा भरणा न झालेने मा. मुख्याधिकारी डॉ. सुधीर गवळी यांचे मार्गदर्शनाखाली नगरपरिषद मालकीचे एकूण ७ गाळे थकीत भाडे व कराच्या रकमेपोटी सिल करण्यात आले.स्थानिक स्वराज्य संस्थांचे उत्पन्न वाढविण्याच्या दृष्टीने विशेष वसुली मोहीम राबविण्याबाबत नगरपरिषद प्रशासन संचालनालयाकडून वारंवार आढावा व सूचना देण्यात येत आहेत. याचाच एक भाग म्हणून नगरपरिषद मालकीचे गाळे सील करण्यात आले. या मध्ये आरक्षण क्र.27 आठवडा बाजार सेवा दुकाने गाळा क्र.10,आरक्षण क्र.27 आठवडा बाजार सेवा दुकाने गाळा क्र.11,आरक्षण क्र.27, आठवडा बाजार सेवा दुकाने गाळा क्र.9,जि.प.शाळा आवार खुली जागा गाळा क्र.१९,जि.प.शाळा आवार खुली जागा गाळा क्र.२०,जि.प.शाळा आवार खुली जागा गाळा क्र.२५,जि.प.शाळा आवार खुली जागा गाळा क्र.३३ या मालमत्ता सील केलेल्या आहेत. सदरची कारवाई मा. मुख्याधिकारी डॉ. सुधीर गवळी यांचे मार्गदर्शनाखाली कार्या. अधीक्षक श्री. स्वप्निल हाके,लेखापाल श्री.धनाजी साळुंखे, सतीश बनसोडे, अश्वजित माने, अनिकेत चंदनशिवे, संजय गावडे, आनंद हुलजंतीकर, शरद चव्हाण, संतोष ठोकळे, योगेश रसाळ, संतोष जांगळे व रमेश मोरे यांच्या उपस्थितित करण्यात आली.

                                थकबाकी रकमांच्या वसुलीसाठी नगरपरिषदेकडून वारंवार सूचना देऊनही थकबाकीच्या रकमा न भरणाऱ्यांकडील मालमत्ता सिल करण्यात येणार आहेत. तरी सर्व मालमत्ताधारकानी लवकरात लवकर कर भरणा करून नगरपरिषदेस सहकार्य करावे व कटू कारवाई टाळावी.असे आवाहन मुख्याधिकारी डॉ. सुधीर गवळी यांनी केले आहे.